Tuesday, January 3, 2012

ಕತ್ತಲೆ ಮತ್ತು ಪ್ರೀತಿ




ನಡುಮನೆಯಲ್ಲಿ ಹಚ್ಚಿ ಹಣತೆ
ಕುಳಿತಿಹರು ಸುತ್ತ
ಕಟ್ಟಿಹರು ಮಾತಿನ ಬೆಟ್ಟ
ಸಿಕ್ಕಿತ್ತು ಎಲ್ಲರಿಗೂ ಸ್ವಲ್ಪ ಪುರುಸೊತ್ತು
ದೀಪ ವಿಲ್ಲದ ರಾತ್ರಿ
ತುಂಬಿತ್ತು ಪ್ರೀತಿ.

ಅಮ್ಮ ಓದುತಿಹಳು ಕವಿತೆ
ಮಕ್ಕಳಾಡುತಿಹರು ಹಿಡಿದು ಮಿಡತೆ
ಅಪ್ಪನೋ ಅಮ್ಮನ ಪಕ್ಕ
ದೀಪ ವಿಲ್ಲದ ರಾತ್ರಿ
ತುಂಬಿತ್ತು ಪ್ರೀತಿ.

ಅಜ್ಜ ನೆನೆದನೊ ಆ ಘಳಿಗೆ
ಈಗ ಊಟವೂ ಪಾಳಿ ಪಾಳಿಗೆ
ಒಬ್ಬೊಬ್ಬರೂ ಒಂದು ಕಡೆಗೆ
ಸಾಗಿಹರು ತಮ್ಮ್ ತಮ್ಮ್ ವಿಶ್ವ ದೆಡೆಗೆ
ಈಗ ಸೇರಿಹರು ಒಟ್ಟಿಗೆ
ದೀಪ ವಿಲ್ಲದ ರಾತ್ರಿ
ತುಂಬಿತ್ತು ಪ್ರೀತಿ.


ಅನುಕ್ಷಣವೂ ಹೋರಾಟ
ಏನೇನೊ ಪರದಾಟ
ಇಲ್ಲ ಮನಕೆ ಶಾಂತಿ
ತುಂಬಿಹದೋ ಬರಿ ಭ್ರಾಂತಿ
ದೀಪವಿಲ್ಲದೆ ಸಿಕ್ಕಿತ್ತು ಮನಕೆ ವಿಶ್ರಾಂತಿ
ದೀಪ ವಿಲ್ಲದ ರಾತ್ರಿ
ತುಂಬಿತ್ತು ಪ್ರೀತಿ.




ಬನ್ನಿ ಎಲ್ಲಾ ಒಂದಾಗೋಣ
ಬೆಳಕ ಭ್ರಾಂತಿ ತೊರೆಯೋಣ
ಕತ್ತಲೆಯ  ಪ್ರೀತಿಸೋಣ
ವಿಷಯ ಪ್ರೀತಿ ಕಳಚೋಣ
ಮತ್ತೆ ಮನುಜರಾಗೋಣ
ದೀಪ ವಿಲ್ಲದ ರಾತ್ರಿ
ತುಂಬಿತ್ತು ಪ್ರೀತಿ.
ಶ್ರೀಧರ್. ಎಸ್. ಸಿದ್ದಾಪುರ

ವಾರೆ ನೋಟ

ಲೋಚನ ದ ತುಂಬಾ ಚಂದ್ರ ತಾಲದ ಬಿಂಬ

( Chandra tal lake .... Himachal pradesh) ನೀಲಾಕಾಶದ ಭಿತ್ತಿಯಲಿ ಹೂ ಚೆಲ್ಲಿದಂತೆ ಹರಡಿದ ಮೋಡ. ರಸ್ತೆಯಲಿ ಅಜ್ಜನೊಬ್ಬ ಮಾತಿಗೆ ಅಂಟಿದ ಧೂಳನ್ನು ಉಜ್ಜುತ್ತಾ ಕುಳಿ...