ನೆಲ್ಲಿಯ ಮರ. ಮುಂಜಾವಿನ ಮುತ್ತಿನಂತಹ ಸೂರ್ಯ. ನೆಲ್ಲಿಯ ಮರಗಳ ಪುಟಾಣಿ ಎಲೆಗಳೊಂದಿಗೆ ಲಾಸ್ಯವಾಡುತ್ತಿದ್ದ. ಎಲೆಗಳ ಸಂಧಿಯಲ್ಲಿದ್ದ ನೆಲ್ಲಿ ಗಿಡದ ಸಣ್ಣ ಕಾಯೊಂದು ಮೆಲ್ಲಗೆ ಚಲಿಸಿದಂತಾಯಿತು.
ಆಶ್ಚರ್ಯ, ಪುಳಕ, ಕೌತುಕ ಒಟ್ಟೊಟ್ಟಿಗೆ! ಇದು ಸಾಧ್ಯನಾ ಎಂದು. ಮತ್ತೆ ಸನಿಹಕ್ಕೆ ಹೋಗಿ ಗಮನಿಸಿದೆ, ಅರೆ ಕಾಯಿಗೆ ಕಾಲುಗಳಿವೆ! ಮತ್ತೆ ನೋಡಿದರೆ ಇವ ನಮ್ಮವ ಊರ್ಣನಾಭ.(ಜೇಡ). ಒಮ್ಮೆಲೆ ಒಂದೇ ಕೈಲಿ ಹಿಡಿದ ಕ್ಯಾಮರದ ಬೆಳಕನ್ನು ಚಕ್ಕನೆ ಚೆಲ್ಲಿದೆ. ಈಗ ಗಮನಿಸಿ ನೋಡಿದೆ, ಅರೇ ಸಣ್ಣ ನೆಲ್ಲಿ ಕಾಯಿಗೆ ಕಾಲು ಬಂತಿರುವ ಹದವಾದ ಜೇಡ. ಎಲೆಯ ನಡುವೆ ಏನು ಮಾಡುತ್ತಿದೆ ಎಂದು ಗಮನಿಸುತ್ತಾ ಹೋದೆ. ಮುಂಜಾವಿಗೆ ನಮ್ಮ ಬಾಬಾ ರಾಮ್ ದೇವ್ ಮಾಡುವ ಆಸನವೊಂದನ್ನು ಎಲೆಗಳ ನಡುವೆ ಮಾಡುತ್ತಾ ವಿಶ್ರಾಂತ ಸ್ಥಿತಿಗೆ ಹೋಯಿತು! (ಎರಡನೇ ಚಿತ್ರ ಗಮನಿಸಿ) ಹೀಗೆ ಕಾಲು ಚಾಚಿ ಮಲಗಿದ ನಮ್ಮ ಊರ್ಣ ನಾಭ ಮತ್ತೆ ಅಲ್ಲಾಡಲೇ ಇಲ್ಲ!
 |
| Epidius species. |
ಆಂ ಎನಂದ್ರಿ ಹೆಸರಾ? ಹೆಸರು ಗಿಸರು ಕೇಳಬೇಡಿ! ನಮ್ಮ 'ಸಾಲಿಗ' ತಂಡದ ಅಭಿಜಿತ್ ಡಾಕ್ಟ್ರನ್ನೇ ಕೇಳ್ಬೇಕು!
ಇಂತಿ ಪ್ರವರಂ ಸಮಾಪ್ತಿ.
ಶ್ರೀಧರ್ ಎಸ್. ಸಿದ್ದಾಪುರ.
No comments:
Post a Comment