ಅಲೆಮಾರಿಯ ಅಂತರಂಗ

Saturday, March 5, 2011

ಚಿಟ್ಟೆ ಮೆರವಣಿಗೆ

ಹೊರಟೀವ ನಾವು ಸಾಲಾಗಿ ಹೂರಟೀವ.......ಮನುಷ್ಯರೇ ಇಷ್ಟು ಸಾಲಾಗಿ ಹೋಗಲ್ಲ, ಅಂತದರಲ್ಲಿ ಚಿಟ್ಟೆ ಸಾಲು ನೋಡಿ ಸಕತ್ ಆಶ್ಚರ್ಯವಾಯಿತು.

Saturday, February 26, 2011

ಯಾರೇ ನೀನು ಚೆಲುವೆ....ನೀರ ಕುಡಿಯುತಿರುವೆ

Tailed butterfly.

ಹೀಗೆ ಕಾಡಿನಲ್ಲಿ ಅಲೆಯಲು ಹೋದಾಗ ಕಂಡ ಅಪರೂಪದ ಅತಿಥಿ. ಎಲ್ಲಾ ಚಿಟ್ಟೆಗಳು ಸಾಲಾಗಿ ಬಂದು ನೆರು ಕುಡಿಯುತ್ತಿದ್ದವು. ವಾವ್ ಕುಷಿಯಾಯಿತು. ನೀವು ನೋಡಿ. ಮಲೆನಾಡಿನಲ್ಲಿ ಮಾತ್ರ ಕಂಡುಬರುವ ವಿಶಿಷ್ಟ ಚಿಟ್ಟೆ. ಒಮ್ಮೆಯಾದರೂ ನೋಡಲು ಮಲೆನಾಡಿಗೆ ಬನ್ನಿ.

Saturday, February 5, 2011

ಚಲುವಿನ ಚಿತ್ತಾರ

ಮೊನ್ನೆ ಹನುಮನ ಗುಂಡಿಗೆ ಹೋದಾಗ ತೆಗೆದ ಚಿತ್ರ. ಮುಂಜಿನ ಹಿನಿಗಳಂತೆ ಸಿಂಚನಗೈವ ನೇರ ಹನಿಗಳನ್ನು ನೋಡುವುದೇ ಸೊಬಗು. ಒಮ್ಮೆ ಬನ್ನಿ ಮೈ ಮರೆಯೋಣ....ದಯಮಾಡಿ ಪ್ಲಾಸ್ಟಿಕ್ ತರಬೇಡಿ. ಪರಿಸ ಉಳಿಸಿ.

Thursday, January 27, 2011

ಕುಟುರ

ಕುಟ್ರ ಹಕ್ಕಿ . ಮಲೆನಾಡಿನ ವಿಶಿಷ್ಟ ಹಕ್ಕಿ.

ಡಿಸೆಂಬರ- ಜೂನ್ ವರೆಗೆ 'ಕುಟುರ ಕುಟುರ' ಎಂದು ಕೂಗುವ ಹಕ್ಕಿ. ಸಾಮಾನ್ಯವಾಗಿ ಹಸಿರ ಮದ್ಯೆ ಇದನ್ನು ಗುರುತಿಸುವುದು ಬಹಳ ಕಷ್ಟ. ಮಲೆನಾಡಿನಾದ್ಯಂತ ಕಂಡು ಬರುವ ಅತಿ ಸುಂದರವಾದ ಹಕ್ಕಿ.

Tuesday, January 25, 2011

ಹೊಸ ಋತುವಿನ ಆಗಮನ

ಮಲೆನಾಡಿನ, ನಮ್ಮೆಲ್ಲರ ಬಾಲ್ಯದ ನೆನಪಿನ ಬುತ್ತಿಯಲ್ಲಿ ಅಡಗಿರುವ ಸುಂದರ ನೆನಪು 'ಪಾಸ್ ಫೈಲ್' ಎಲೆ. ನಾವೆಲ್ಲ ಇದನ್ನು ಪುಸ್ತಕದ ನಡುವೆ ಇಟ್ಟು ಪಾಸಾಗುತ್ತೇವೋ ಎಂದು ಪರಿಕ್ಷಿಸುತ್ತಿದ್ದೆವು! ಯಾರು ಅದನ್ನು ನಮಗೆ ಹೇಳುತ್ತಿದ್ದರೋ! ಮೊನ್ನೆ ಕಾಡಿನಲ್ಲಿ ತಿರುಗುತ್ತಿದಾಗ ಕಣ್ಣಿಗೆ ಬಿತ್ತು . ಹೂ ಬಿಟ್ಟಿತ್ತು. ಸುಂದರವಾಗಿದೆ ಅಲ್ವಾ? ನೆನಪಿನ ಬುತ್ತಿ ಬಿಚ್ಚಿಕೊಂಡಿತಾ?

ನಗು ಮೊಗದ ಬೆಳ್ನೊರೆ ಹಾಲ್ ಕಡಲ ಹಾಲ್ನೊರೆ ಸಾಹಸಿಗರಿಗೊಂದು ಪಂಥ್ಹಾವಾನ 'ಧೂಧ್ ಸಾಗರ್'.

ಭಯ ಉಕ್ಕಿಸುವ ಪ್ರಪಾತ. ಎಡಕ್ಕೆ ಬಲಕ್ಕೆ ಬೆಟ್ಟ ಝರಿಗಳು. ಬಲಕ್ಕೆ ಕಣಿವೆ. ತಂತಿ ಮೇಲಿನ ಸರ್ಕಸ್ನಂತೆ ರೈಲು ಬೆಟ್ಟದ ತುದಿಯಲ್ಲಿ ಚಲಿಸುತ್ತಿರುತ್ತದೆ, ಬಸವನ ಹುಳುವಿನಂತೆ. ಎಲ್ಲೆಲ್ಲಿಯೂ ಬೆಟ್ಟ ಕಾವ್ಯ. ಮಾರಿಗೊಂದರಂತೆ ನುಂಗುವಂತಿರುವ ಸುರಂಗಗಳು. ಕಲ್ಲು ಬಂಡೆಗಳ ಮೇಲೆಲ್ಲಾ ತರುಲತೆಗಳ ಚಿತ್ತಾರ. ಸಂದು ಗೊಂದಲಿನಲ್ಲೆಲ್ಲಾ ಸಣ್ಣ ಝರಿಗಳು. ತೀವ್ರ ತಿರುವಗಳಲ್ಲೆಲ್ಲಾ ಹೂ ಪಕಳೆಯಂತೆ ನಿರುಕುವ ನೀರ ಹನಿಗಳು. ಆಗಾಗ ಮೋಡದೊಳಗೆ ನುಗ್ಗುವ ರೈಲು.

Doodh Sagar waterfall- ಒಂದು ಮೋಹಕ ನೋಟ.

ಮಂಜಿನೊಳಗೆ ನುಗ್ಗುವ ಬಂಡಿ.

ಹಲವು ಬೆಟ್ಟಗಳನ್ನು ಸಂದರ್ಶಿಸಿ ಎತ್ತರದ ದಿಬ್ಬದ ತುದಿಗೆ ತಂದು ನಿಲ್ಲಿಸಿ ಇದೇ ಸ್ಟೇಷನ್ ಇಳಿಯಿರಿ ಎಂದಾಗ ಅವಕ್ಕಾಯಿತು. ಸ್ಟೇಷ್ನ್ಲ್ಲಿ ಪ್ಲಾಟ್ಪಾರಂ ಇಲ್ಲ! ಇಳಿಯುವುದಲ್ಲ ಹಾರಬೇಕು. ಸ್ವಲ್ಪ ಯಾಮಾರಿದರೂ ರೈಲಡಿಗೆ. ನಿಲ್ಲುವುದು ಬರೇ 1 ನಿಮಿಷ. ಅಷ್ಟರಲ್ಲೇ ನೂರಾರು ಜನ ನಮ್ಮನ್ನು ನೂಕಿಕೊಂಡು ಹಾರಿಯಾಗಿತ್ತು. ನಮ್ಮ ಭಾರವಾದ ಚೀಲವನ್ನು ಹಿಡಿದೇ ಹಾರಿ ಸುಧಾರಿಸಿಕೊಂಡೆವು. ಸ್ಟೇಷನ್ ಹೆಸರೇ 'ಧೂಧ್ ಸಾಗರ್'

ಕ್ಯಾಸಲ್ ರಾಕ್ ನಲ್ಲಿ ಕಂಡ ಬಿಂಬ...

ಹುಬ್ಬಳ್ಳಿಯಿಂದ 5.30ಕ್ಕೆ ಹೊರಟು ಲೋಂಡಾ ಮೂಲಕ ಕ್ಯಾಸಲ್ರಾಕ್, ಕರಂಜೋರ್ ಸ್ಟೇಷನ್ ಕಳೆದು ಧೂಧ್ ಸಾಗರ್ ತಲುಪಿದ್ದು 11 ಗಂಟೆ 45 ನಿಮಿಷಕ್ಕೆ. ಬ್ರಿಟಿಷ್ ಕಾಲದಲ್ಲಾದ ರೈಲ್ವೇ ಟ್ರಾಕ್. ಬೆಳಗಾವಿಯಿಂದ ಪ್ರತಿನಿತ್ಯ ಕ್ಯಾಸಲ್ರಾಕ್ಗೆ ರೈಲಿರುತ್ತದೆ ಆದರೆ ಧೂಧ್ ಸಾಗರಕ್ಕೆ ವಾರಕ್ಕೆರಡು ಬಾರಿ ಭಾನುವಾರ ಮತ್ತು ಶನಿವಾರ.

ಇಲ್ಲಿ ಮುಗಿಲಲಿ ತೇಲೋಣ ಬಾ ಯಾತ್ರಿಕನೆ

ಧೂದ್ ಸಾಗರ್ ಚಾರಣ ನಿರತ ಚಾರಣಿಗರು.

ಬೆಟ್ಟದ ಬೆನ್ನಿನಲ್ಲಿ ಹೂ ಪಕಳೆಗಳ ಮಾತನಾಲಿಸುತ್ತಾ ಧೂಧ್ ಸಾಗರ ಸ್ಟೇಷನ್ನಿಂದ ಜಲಪಾತಕ್ಕೆ 6 ಹಾಡುಗಳ ರೋಚಕ ಹಾದಿ. ಕಣಿವೆಯ ಸೌಂದರ್ಯಕ್ಕೆ ಮೂಕವಾಗುತ್ತಾ ಬೆಟ್ಟ ತುದಿಯಲ್ಲಿ ನಡೆಯಬೇಕು. ಸುರಂಗ ಒಂದನ್ನು ದಾಟುವ ರೋಚಕ ಅನುಭವವೂ ಇದರೊಂದಿಗಿದೆ.

ಸವೆದ ಹಾದಿಯ ತುಂಬ ಸೌಂದರ್ಯ ಬಿಂಬ. ರೌದ್ರಾವತಾರಿಯಾಗಿ ರೈಲು ಹಳಿ ಮತ್ತು ನಮ್ಮನ್ನು ಕೊಚ್ಚಿಕೊಂಡು ಹೋಗುವುದೋ ಏನೋ ಎಂಬಂತೆ ಧುಮುಕುವ ಜಲಧಾರೆ. ಶಿವನ ಜಟೆಯಿಂದ ಅವತರಿಸಿ ಆತನ ಮೂಗಿಗೆ ಡಿಕ್ಕಿ ಹೊಡೆದು, ಎದೆಯ ಕಣಿವೆಗಳಲ್ಲಿ ಅಡಗಿ, ನಾಭಿಯಿಂದ ಉದ್ಭವಿಸಿದಂತೆ ಏಕಾಏಕಿ ಚಿಮ್ಮುತ್ತದೆ. ನೋಡುಗರ ದೇಹ ಮತ್ತು ಮನಸ್ಸನ್ನು ತಣಿಸುತ್ತದೆ.

ಬೆಟ್ಟ ಇಳಿಯುವ ಉಗಿಬಂಡಿ.

ಜಲಧಾರೆಯ ಎಡ ಬಲ ಎಲ್ಲಿ ಬೇಕಾದಲ್ಲಿ ನಿಂತು ನೋಡಬಹುದಾದ ರುದ್ರ ನೋಟ. ನೋಟಕನ ಮನದಲಿ ಇದರ ಮಾಟ ಅಚ್ಚಳಿಯದೇ, ಸೌಂದರ್ಯ ಬಿಂಬ ಉಳಿದು ಬಿಡುವಂತಹ ಜಲಧಾರೆ. ಎಡದಲ್ಲಿರುವ ಮಂಟಪದಲ್ಲಿ ನಿಂತು ಜಲಧಾರೆಯನು ಮೋಹಿಸಬಹುದು. ಜಲಧಾರೆಯ ಬಲಕ್ಕಿರುವ ತೆರೆದ ಕುಟಿರದೊಳಗೆ ಒಂದು ರಾತ್ರಿ ಕಳೆಯಬಹುದು. ಪ್ರಾಣಿಯಾವುದಾದರೂ ಹೊತ್ತೊಯ್ದರೆ ನನ್ನ ಬೈಯದಿರಿ.

ಗೆಳೆಯ ನಾಗರಾಜನ ಜೊತೆ.

ಗೋವಾದ ಮಾಂಡವಿ ನದಿಯ ಸೃಜಶೀಲ ಶಕ್ತಿಯಿಂದ ಸೃಷ್ಟಿಯಾಗಿರುವ ಕಾನನ ಸುಂದರಿಯನು ತಲೆ ಕೆಟ್ಟ ಪೇಟೆ ಹೈದರ ಪ್ಲಾಸ್ಟಿಕ್ ರಕ್ಕಸರಿಂದ ಕಾಪಾಡಬೇಕಾದುದು ತುರ್ತು ಅಗತ್ಯ. ಇಲ್ಲಿಗೆ ವಿಶಿಷ್ಟವೆನಿಸುವ ಅನೇಕ ಕಾಡು ಹಕ್ಕಿಗಳು ಚಿಟ್ಟೆಗಳು ನಿಮ್ಮನ್ನು ಮತ್ತೆ ಮತ್ತೆ ಕೈಬೀಸಿ ಕರೆಯುವಂತೆ ಮಾಡಿದರೆ ಆಶ್ಚರ್ಯವೇನಿಲ್ಲ.

ಸೂರ್ಯ ಮುಳುಗುವ ಮುನ್ನ ಧೂಧ್ ಸಾಗರದ ಸ್ಟೇಷನ್ಲ್ಲಿದ್ದರೆ ಮನೆ ತಲುಪಬಹುದು. ಇಲ್ಲವಾದರೆ ಧೂಧ್ ಸಾಗರದ ಜೋಗಳದಲ್ಲಿ ಲೀನವಾಗಬೇಕಾದೀತು.