ಬೆಳ್ಳಂಬೆಳಗ್ಗೆ ಬರಿ ಕಾಲಲ್ಲಿ ಗದ್ದೆ ಬಯಲಲ್ಲಿ ಶಾಲೆಗೆ ನಡೆದೇ ಹೋಗುತ್ತಿದ್ದ ಕಾಲ. ಬಯಲ ತುಂಬಾ, ಗಿಡದ ಮೇಲೆ, ಬಳ್ಳಿ ಉದ್ದಕ್ಕೂ ಬೆಳಗ್ಗೆ ಸುರಿದ ಮಂಜಿನ ಹನಿಗಳ ಮೆರವಣಿಗೆ.
 |
| ಹನಿಗಳ ದೃಶ್ಯ ಕಾವ್ಯ. |
ಆಗ ಕೊಯ್ಯುತ್ತಿದ್ದ ಪುಟಾಣಿ ತುಂಬೆ ಹೂವಿಗೆ ಮುತ್ತಿಕ್ಕುತ್ತಿದ್ದ ಪುಟಾಣಿ ಮಂಜಿನ ಹನಿಗಳು. ಯಾರು ಹೆಣೆದರೋ ಇವನ್ನು ಸಾಲಾಗಿ! ಮಳೆಯನ್ನು ತವರಿಗೆ ಕಳುಹಿಸಿ ಚಳಿಗೆ ಚಾದರ ಹಾಸುವ ಕಾಲದಲ್ಲಿ ಹಾಜರ್!
 |
| ಹನಿಗಳ ಉಳಿಸುವ ಸಂದೇಶ ನಿೀಡುವ ನೊಣ |
ಮಳೆ ಹೋಯಿತೆಂದು ಕರೆ ಕೊಟ್ಟವರಾರು ಇವಕೆ? ನೆಲದ ಗುಳಿಗಳಿಗೆ ತಮ್ಮ ಬಲೆಗಳ ಜಾಲರಿ ಹಾಕಿ ಹಾಸಿ ಬೇಟೆಗಾಗಿ ಕಾಯುವ ಟರಂಟುಲ ಜೇಡಗಳ ಬಲೆಯ ಮೇಲೂ ಮುತ್ತಿನ ಹನಿಗಳ ಶೃಂಗಾರ.
