ಥೊಮೊಸಿಡೆ ಪ್ರಭೇದಕ್ಕೆ ಸೇರಿದ ಈ ಜೇಡ ಅತ್ಯಂತ ಸ್ಪಷ್ಟವಾಗಿ ತನ್ನ ಬೇಟೆಯನ್ನು ಹುಡುಕಬಲ್ಲದು. ಆದರೆ ಮನುಷ್ಯ ಜಾತಿಗೆ ತನ್ನ ಆಹಾರವೇನೆಂದು ತಂದೆ ತಾಯಿ ನೀಡುತ್ತಾರೆ. ತಾನೆ ತನ್ನ ಆಹಾರ ಗುರುತಿಸಲಾರ! ತಂದೆ ತಾಯಿಯ ಗುಣಾವಗುಣಗಳನ್ನು ಹೆಕ್ಕಿಕೊಂಡು ನಮ್ಮದೇ ಆದ ಹೊಸ ವ್ಯಕ್ತಿತ್ವವನ್ನು ರೂಪಿಸಿಕೊಳ್ಳುತ್ತೇವೆ. ಎಲ್ಲದಕ್ಕೂ ಪರಾವಲಂಬನೆ ತಪ್ಪಿದ್ದಲ್ಲ. ಸಣ್ಣ ಶೀತವಾದರೂ ವೈದ್ಯರಲ್ಲಿಗೆ ಓಡುತ್ತೇವೆ.
ಆದರೆ ಪುಟಾಣಿ ಜೇಡಗಳನ್ನು ಗಮನಿಸಿ. ತನ್ನ ಬಣ್ಣವೇನೆಂದು ತಿಳಿದು, ಅದನ್ನೇ ಹೋಲುವ ವಿವಿಧ ಗಿಡಗಳನ್ನು ಪರಿಸರದಲ್ಲಿ ಗುರುತಿಸಿ ಅಲ್ಲಿಗೆ ದಾಂಗುಡಿ ಇಟ್ಟು ತನ್ನನ್ನು ರಕ್ಷಿಸಿಕೊಳ್ಳುವುದಲ್ಲದೇ ಆಹಾರವನ್ನೂ ಹುಡುಕಬಲ್ಲದು! ಏನಾಶ್ಚರ್ಯ ನೋಡಿ ಇಲ್ಲಿರುವ ಕ್ರ್ಯಾಬ್ ಜೇಡವನ್ನು. ತನ್ನ ಬಣ್ಣವನ್ನೇ ಹೋಲುವ ಗಿಡವನ್ನು ಆರಿಸಿಕೊಂಡು ಅದರಲ್ಲಿ ಅರಳಿದ ಹೂವಿನ ದಂಟಿನ ಆಶ್ರಯ ಪಡೆದು ಅಲ್ಲಿಗೆ ದಾಂಗುಡಿ ಇಟ್ಟಿದೆ! ತನ್ನ ಬಣ್ಣ ಮತ್ತು ಗಿಡದ ಬಣ್ಣಗಳು ಒಂದೇ ಎಂದು ಅದಕ್ಕೆ ಹೇಳಿದವರ್ಯಾರು? ಅಲ್ಲಿ ಹೂವೊಂದು ಅರಳಿದ ಮಾಹಿತಿ ತಿಳಿಸಿದವರ್ಯಾರು? ಪ್ರಕೃತಿಯ ವಿಶಿಷ್ಟವಾದ ಈ ಅಂರ್ತಸಂವಹನ ನಮ್ಮನ್ನು ಆಶ್ಚರ್ಯಕ್ಕೆ ಕೆಡಹುವುದು. ಯಾರೂ ಕಲಿಸದೆಯೇ ತನ್ನ ಆಹಾರವನ್ನು ಗುರುತಿಸಿ ಬೇಟೆಯಾಡಬೇಕಾದರೆ ಅದಕ್ಕಿರುವ ಅದ್ಭುತವಾದ ಪ್ರಕೃತಿಯು ನೀಡಿದ ವರ ನಿಜಕ್ಕೂ ನಮ್ಮನ್ನು ಅಚ್ಚರಿಗೆ ನೂಕುವುದು.
ಇವುಗಳನ್ನು ಗುರುತಿಸಲು ಹದ್ದಿನ ಕಣ್ಣಿನ ನನ್ನ ಸ್ನೇಹಿತ ಪ್ರಕಾಶನ ಸಹಾಯ ಹಸ್ತವಿದೆ. ಬೆಳಗಿನಿಂದ ಸಂಜೆವರೆಗೂ ಹಳದಿ ಬಣ್ಣದ ಕ್ರೋಟೊನ್ ಗಿಡದಲಿ ಕೂತು ಎರಡೂ ಬೇಟೆಯಲಿ ನಿರತವಾಗಿದ್ದವು. ಶ್ರೀಧರ್. ಎಸ್. ಸಿದ್ದಾಪುರ.
No comments:
Post a Comment